पूर्व अर्थमन्त्री डा. देवेन्द्रराज पाण्डेको शव पशुपति आर्यघाटमा अन्तिम संस्कार गरिने तयारीमा राखिएको छ । क्यान्सर रोगबाट पीडित रहेका डा. पाण्डेको शुक्रबार ८७ वर्षको उमेरमा निधन भएको हो । उनी २०६२/०६३ को नागरिक आन्दोलनका अगुवा, अर्थराजनीतिक चिन्तक र लोकतान्त्रिक आन्दोलनका योद्धाका रूपमा परिचित थिए । उनको निधनमा नेपाली कांग्रेसका सभापति गगन थापाले गहिरो शोक व्यक्त गर्दै राष्ट्रले एक प्रखर बौद्धिक व्यक्तित्व, नैतिक नेतृत्व र लोकतन्त्रको सजग पहरेदार गुमाएको बताएका छन् । सामाजिक सञ्जालमार्फत श्रद्धाञ्जली अर्पण गर्दै थापाले नागरिक स्वतन्त्रता, समानता, मानव अधिकार र लोकतान्त्रिक मूल्यमान्यताको पक्षमा डा. पाण्डेले जीवनभर निर्भीक आवाज उठाएको स्मरण गरे । नेपालको लोकतान्त्रिक आन्दोलनका निर्णायक चरणहरूमा नागरिक तहबाट संघर्षको समन्वय गर्दै निरंकुशताविरुद्ध दह्रो भूमिका निर्वाह गरेको उल्लेख गर्दै उनले नयाँ पुस्तालाई लोकतन्त्र र उत्तरदायी शासनका विषयमा पाण्डेले निरन्तर प्रेरित गरेको बताए । अर्थसचिव, अर्थमन्त्री, विकास चिन्तक र सुशासनका अभियन्ताका रूपमा डा. पाण्डेले नेपालको अर्थतन्त्र, सार्वजनिक प्रशासन र विकाससम्बन्धी बहसमा नयाँ दृष्टिकोण दिएको थापाले उल्लेख गरे । सार्वजनिक जीवनमा उनले देखाएको इमानदारी, पारदर्शिता र नैतिक साहस भावी पुस्ताका लागि अमूल्य विरासत रहने भनाइ थापाको छ । सामाजिक सद्भाव, समानता र राष्ट्रिय एकताको पक्षमा डा. पाण्डेले निर्वाह गरेको भूमिका विशेष स्मरणीय रहेको बताउँदै उनले प्रज्वलित गरेको नागरिक चेतना र बौद्धिक योगदानले आगामी पुस्तालाई निरन्तर मार्गदर्शन गरिरहने विश्वास थापाले…