फिफा विश्वकप : शनिबार समूह जी, एच र आईका ६ खेल हुँदै

काठमाडौं । फिफा विश्वकपमा भोलि शनिबार समूह ‘जी’, ‘एच’ र ‘आई’ अन्तर्गतका महत्त्वपूर्ण भिडन्तहरू हुने भएका छन्। समूह चरणको प्रतिस्पर्धा दिनप्रतिदिन थप उत्तेजनापूर्ण बन्दै गइरहेको छ र विभिन्न राष्ट्रिय टोलीहरू नकआउट चरणमा पुग्ने आफ्नो सम्भावना पक्का गर्ने उद्देश्यले मैदानमा ओर्लनेछन्।

समूह ‘आई’ मा नर्वे र फ्रान्सबीचको खेल नेपाली समयअनुसार राति १२ः४५ बजे हुनेछ। ठीक सोही बेला सेनेगल र इराकबीच पनि कडा टक्कर हुनेछ।

समूह ‘एच’ मा काबो भर्डे र साउदी अरबबीच प्रतिस्पर्धा हुनेछ भने सोही समूहको अर्को खेलमा उरुग्वे र स्पेन आमनेसामने हुनेछन्। यी दुवै खेल बिहान ५ः४५ बजे सुरु हुनेछन्।

समूह ‘जी’ अन्तर्गत न्यूजिल्यान्ड र बेल्जियमबीच प्रतिस्पर्धा हुनेछ र अर्को खेलमा इजिप्ट र इरान भिड्नेछन्। यी दुवै खेल बिहान ८ः४५ बजे सुरु हुने कार्यक्रम रहेको छ।

समूह चरणका यी खेलहरूले अंक तालिकामा निर्णायक असर पार्ने अपेक्षा गरिएको छ।

थप पढ्नुहोस्

• संघर्षको परिवार, सफलताको नयाँ अध्याय : सांसद आकृति अवस्थी