मोबाइल नष्ट गरिएको घटनाप्रति व्यवसायीको आपत्ति, कारबाहीको माग
0 MIN READ
सिरहामा परीक्षाका क्रममा जफत गरिएका करिब ५०० मोबाइल फोन र स्मार्टवाच पानीमा डुबाएर नष्ट गरिएको घटनाप्रति मोबाइल व्यवसायीहरूले आपत्ति जनाएका छन्। उनीहरूले उक्त कार्यलाई कानुनी र नैतिक रूपमा गलत भन्दै घटनाको छानबिन र दोषीमाथि कारबाहीको माग गरेका छन्।कार्यक्रममा सहभागी व्यवसायीहरूले मोबाइलमा व्यक्तिगत डेटा र महत्वपूर्ण जानकारी हुने भएकाले उपकरण नष्ट गर्दा ठूलो क्षति भएको बताएका छन्। साथै, प्रभावित व्यक्तिलाई क्षतिपूर्ति दिन र डिजिटल अधिकार तथा डेटा सुरक्षाको विषयमा सरकार गम्भीर बन्नुपर्ने माग गरिएको छ।